मी अजून लहान आहे,
माझ्या हातातल्या खेळण्यांचे अर्थसुद्धा मी पूर्णपणे समजून घेतलेले नाहीत.
पण एक गोष्ट मला खूप खूप स्पष्ट कळते
खेळ म्हणजे फक्त खेळणी नाहीत,
खेळ म्हणजे तुम्ही.
तुम्ही माझ्यासोबत खेळायला बसलात की
माझ्या छोट्याशा मनात जणू एखादा छोटासा उत्सव सुरू होतो.
माझे हातपाय हलायला लागतात,
डोळ्यांत चमक येते,
आणि मी स्वतःला थांबवूच शकत नाही.
कधी तुम्ही मला “बू!” म्हणत घाबरवता,
तेव्हा मी दचकतो,
पण लगेच हसतो
कारण तुमचा चेहरा मला सांगतो
“हा खेळ आहे… आणि मी तुझ्यासोबत आहे.”
कधी तुम्ही खेळण्याचा आवाज karta,
कधी कागदाची खसखस,
कधी चमकणारा रॅटल हलवता…
हे सगळं माझ्यासाठी जादूसारखं असतं.
पण जादू वस्तूत नाही,
तुम्ही ते माझ्यासाठी करत आहात,
हेच मला सर्वांत आनंद देतं.
मी खेळण्यांकडे पाहतो,
ते चमकतात, आवाज करतात,
पण मी नेहमी तुमच्या डोळ्याकडे बघतो
कारण माझ्यासाठी खरी मजा म्हणजे
तुम्ही माझ्याशी बोलता,
माझ्या हास्याला उत्तर देता,
आणि माझ्या प्रत्येक छोट्या हालचालीला उत्साहाने प्रोत्साहन देता.
तुम्ही कधी माझ्या पोटावर हात ठेवून
“टिंग टिंग” करता,
तेव्हा माझं हसू थांबतच नाही.
तुम्ही चेहरा जवळ आणून
ओठ गोल gol करून आवाज karta,
तेव्हा मी स्वतःला उड्या मारण्यापासून रोखू शकत नाही.
कधी तुम्ही फक्त माझ्याकडे बघून हसता
आणि मीही हसतो.
हा फक्त खेळ नाही,
हा माझा आणि तुमचा एक छोटासा संवाद आहे
ज्यात शब्द नाहीत,
पण खूप सारा आनंद आहे.
तुम्हाला माहीत आहे का?
तुम्ही माझ्यासोबत खेळलात की
मी फक्त मजा करत नाही,
मी शिकतोदेखील
तुमचा आवाज ओळखतो,
तुमच्या चेहऱ्यावरच्या भावना पाहतो,
जग कसं असतं हे समजायला लागतो.
मी हात पुढे करतो,
कधी पाय वर,
कधी खेळणी पकडण्याचा प्रयत्न करतो
ते माझं “मला अजून खेळायचंय!” असं सांगणं असतं.
आणि तुम्ही तो प्रयत्न ओळखून
मला प्रोत्साहन देता
तेव्हा माझ्या मनात एक छोटासा,
पण खूप उबदार संदेश उमटतो
“कोणी तरी माझी दखल घेतंय.”
कधी तुम्ही कामात असता,
आणि माझ्याकडे पाहून फक्त हसून देता,
तरीही माझं मन खुश होतं
कारण मला कळतं,
जरी तुम्ही व्यस्त असलात,
तरी तुमच्या जगात माझ्यासाठी एक छोटं पण कायमचं ठिकाण आहे.
खेळणी बदलतील,
मी मोठा होईन,
नवीन गोष्टी शिकेन,
कदाचित अधिक गुंतागुंतीचे खेळ खेळेन…
पण आज माझ्यासाठी सर्वात छान खेळ म्हणजे
तुमचा चेहरा, तुमचे आवाज, तुमची साथ.
मी अजून खेळण्यांच्या दुनियेत नवा आहे,
पण तुमच्यासोबत खेळताना मला एक गोष्ट खूप स्पष्ट जाणवते
“तुम्ही माझ्या जवळ असाल तर
मी कोणताही खेळ जिंकू शकतो.”